In Arabic, Other Languages

ماذا تفعل لو وقع طفلك ضحية بلطجة الكترونية ؟

ماذا تفعل لو وقع طفلك ضحية بلطجة الكترونية ؟

مع ازدياد عدد الأطفال المستخدمة للانترنت, سواء للتنرفيه أو لأغراض دراسية, حوادث البلطجة الالكترونية زادت. ده معناه اهتمام الآباء بالأمن الالكتروني لأطفالهم. رغم أن أحيانا بيكون صعب على ولي الأمر يحدد إذا ابنه بيتعرض لبلطجة الكترونية أم لا , مهم تعرف ايه العمل أول ما تعرف أن طفلك أصبح ضحية بلطجة الكترونية بأي شكل من خلال الانترنت أو الموبايل.

اتكلم مع طفلك قبل الآوان

آباء كتير بينتظروا لحد ما الطفل يبقى ضحية بلطجة الكترونية فعلا قبل ما يتكلموا معاهم في الموضوع الحساس ده. دي أول غلطة بيعملوها الآباء . من المهم أنك تتكلم مع طفلك قبل ما يتعرض لبلطجة لأنه حيعرف أكتر ازاي يتعامل مع الموقف لما يحصل. حتى لو طفلك ما اتعرضش لبلطجة أبدا , معرفة أنه قادر على حماية نفسه حتعطيك راحة بال و هو بيخرج للمدرسة و للعالم. مهم جدا تتطمن أنه قادر يعرف و يتعامل مع السلوك ده على الانترنت.

ابق الاتصالات مفتوحة

واحدة من أصعب ملامح الأبوة هي الحفاظ على خطوط الاتصال مع طفلك. تأكد أن طفلك ممكن يلجأ لك في أي وقت بيواجه فيه صعوبات. ده يتضمن لو بيواجه بلطجة على الانترنت أو حقيقية في المدرسة. لما طفلك يكون على راحته معاك في الموضوع , حتقدر تساعده يتعامل معاه بطريقة صحيحة عشان يوقفه و يبلغ المسئول المضبوط.

اسأل عن التفاصيل

من أهم العوامل لمساعدة طفلك على مواجهة البلطجة الالكترونية هو سؤاله عن أكبر عدد من التفاصيل يقدر يتذكره. مثلا, لو عايز تعرف المواقع اللي زارها, أسامي المستخدمين اللي بيسببوا له مشاكل, معدل زيارته للمواقع دي, قال ايه, كان ايه رد فعله و غيره. كل ما تعرف تفاصيل , حيكون أسهل عليك تساعد طفلك يعرف ازاي يتعامل مع السلوك ده و يدافع عن نفسه قدر المستطاع.

اعرض المساعدة

أحسن شئ ممكن تقدمها لطفلك اللي بيواجه بلطجة هو دعمه و تفهمه. بعض الآباء سريعيين في لوم طفلهم أنه عمل حاجة استفزت البلطجي عشان يتصرف معاه بالشكل ده. أغلب الضحايا ما بيبقوش غلطانين اطلاقا. مهم للآباء أنهم يتأكدوا أن طفلهم ما عملش أي حاجة تستحق البلطجة, ولا أن البلطجة سلوك مقبول عند أي حد. تقديم الدعم لطفلك حيشعره أنه مش لوحده و حيدي له القوة اللي محتاجها لمواجهة البلطجي و الانتصار عليه.

اعط نصائح

أمان طفلك الالكتروني بين ايديك. و أنت تتكلم مع طفلك عن وجود بلطجة على الانترنت, أنت المسئول تعلمه ازاي يتعامل مع البلطجية . في بعض الحالات , أحسن حاجة تجاهل البلطجي , خصوصا لو بلطجة الكترونية. لكن أحيانا ده بيؤدي لمشاكل أكبر لطفلك. ما تقولش لطفلك أنه ينتقم بدنيا من البلطجي أو يرد بنفس اللهجة على الانترنت. لو طفلك خلاص اتعامل مع الموضوع و أنت مش راضي عن طريقة التعامل , اعط له أمثلة عن كيفية التعامل الصحيح عشان تتطمن على قدرته على التعامل مع الموقف في المستقبل.

لعب الأدوار

طريقة هايلة لتعليم طفلك ازاي يقدر يتعامل مع البلطجية الالكترونيين هو لعب الأدوار مع طفلك. خلي طفلك يلعب دور البلطجي عشان تبين له رد الفعل المناسب مع المشكلة. مشاهدته لك في تعامله مع مشاكل شبيهة حيعلمه ازاي يتعامل لما يتهاجم مستقبلا. لما يشوف رد فعلك اقلبوا الأدوار و شوفه و هو بيتعامل مع نفس السلوك. ده حيساعدك تقيس مدى فهمه.

لا تتدخل

على الرغم من اغراء مقابة البلطجي بنفسك عشان تخلص المشكلة. ده غالبا بيعقد المشكلة. من الأفضل دائما تسمح لطفلك يتعامل مع الموقف أو يبلغه للسلطات المعنية, سواء للمدرسة أو لادارة الموقع. سماحك للطفل أنه يحاول يتعامل مع الموقف الأول هو أفضل طريقة غالبا لأنه بيسمح لطفلك يتعلم ازاي يدافع عن نفسه و يتعامل مع النوع ده من السلوك في حياته اليومية.

اتصل بالمسئولين المعنيين

لما طفلك يشارك تفاصيل الاعتداءات اللي عليه, حتقدر تعرف مين المعنيين بابلاغهم المشكلة. لو البلطجي شخص من زملاء مدرسة طفلك, لازم تعرف بسياسة المدرسة ضد البلطجة و كيفية معالجة المواقف دي. في معظم الحالات , إدارة المدرسة بتحتاج تعرف عن الحوادث اللي تخص أطفال المدرسة, خصوصا لو المشكلة حصلت من أجهزة المدرسة. مواقع كتير لها سياستها لحماية كل مستخدميها. لما تعرف صاحب الموقع باللي بيحصل , حيتخذوا اجراء من ناحيتهم يوقف السلوك ده.

تابع

ما تفترض أبدا أن المشكلة حتتحل فقط لأنك سمعت لطفلك و ساعدته يحل المشكلة. في بعض الحالات, البلطجي حيستمر في نشاطه, على الرغم من كل حاجة عملتها عشان تساعد طفلك يقاوم و يتعامل مع الموضوع. الأفضل أنك تسأل طفلك الأمور ماشية ازاي على الأقل كم أسبوع بعد الحادثة. لو بلغت المشكلة لإدارة المدرسة أو ادارة الموقع , احرص على التواصل معاهم , ممكن ما يقدروش يقولوا لك ايه الاجراءات اللي تمت , لكن حيطمنوك أن المشكلة تم التعامل معاها بنجاح.

داوم

البلطجة الالكترونية مش مشكلة سريعة الحل دايما. لو تابعت و الأمور ما اتحسنتش كما ينبغي, داوم على الكلام مع طفلك على كيفية التعامل مع البلطجة و ايه اللي يقدر يعملوا عشان يستمر في المقاومة الدفاع عن نفسه. من ناحية تانية داوم على الاتصال و ارسال الايميلات للتأكد من أن المشكلة بيتم التعامل معها على المستوى المطلوب.

البلطجة الالكترونية مشكلة خطيرة بتواجه أطفالنا من كل الأعمار. لأن أطفال كتير بيستخدموا الانترنت و الموبايلات بشكل اعتيادي, حوادث البلطجة كثرت , و ده أدى بالآباء لضرورة تأمين الحماية الالكترونية لأطفالهم. لما تتبع النصائح دي في مساعدة طفلك للتعامل مع البلطجية , حتبقى بتقدم لطفلك الأدوات اللي محتاجها للنجاح أمام البلطجي و في الحياة عامة.

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>