In Arabic, Other Languages

كيف تبلغ عن بلطجة الكترونية ؟

كيف تبلغ عن بلطجة الكترونية

التعرض لبلطجة الكترونية تجربة مخيفة. ما تعرفش أبدا امتى حيهاجمك البلطجي تاني. و عايز البلطجة دي تخلص بأسرع ما يمكن. على كل حال, ما تستعجلش في التبليغ عن البلطجة الالكترونية عشان ما تعملهاش بطريقة غلط . خد وقتك في التبليغ بالطريقة الصح لأحسن احتمال تتخلص من وجود البلطجي في حياتك.

طبقا لموقع “سايبر انجيلز ” القسم الالكتروني من ” جارديان انجليز ” , الخطوات الرئيسية في التبليغ هي :

1-      اخبار البلطجي أن يتوقف

2-      عدم الاستجابة للبلطجي

3-      عمل نسخ من كل اتصال بينك و بين البلطجي

4-      ابلاغ السلطات

اخبار البلطجي أن يتوقف

اكتب تحذير واضح للبلطجي بعدم التواصل معاك تاني. ده ما بيوقفش البلطجي الالكتروني , لكن بيساعدك أمام السلطات. أنت أثبت حسن نيتك . لو البلطجي استمر في مضايقتك, يبقى الغلط بين على البلطجي. اتأكد من وجود نسخ لكلامك عشان تشوفه السلطات.

تحذيرك مش لازم يكون بسبب. تفادى استخدام الأحرف الكبيرة, الشتائم أو التهديد بعنف بدني. فقط اكتب ” أرجوك ما تكلمنيش تاني  . أرجوك ما تبعتي ليش ايميل , رسالة موبايل , تكلمني أو تتصل بي بأي شكل كان. ” ده كل اللي محتاج تكتبه. كلام زي ده بيكون منطقي و مقبول عند السلطات. كمان بتبين أنك مش ناوي على عداء.

لا تستجب للبلطجي

 

دي أصعب خطوة, لكنها أساسية جدا. على الرغم من أن بلطجية المدرسة ممكن يسيبوا الضحية لو الضحية ردت, التكتيك ده دايما بيجيب نتيجة عكسية لكل البلطجية الالكترونيين من كل الأعمار. هم بيطلبوا خوف أو ردود فعل سلبية من ضحاياهم. احرمهم من استجابتك و هم حيملوا و يبلطجوا على حد تاني.

كمان حتحتاج تمنع البلطجي من الوصول لايميلك , موبايلك , حسابك على الفيس بوك أو أي حاجة تانية. ده بيقلل من فرص الاتصال مع البلطجي و بيصعب عليه الاتصال. سجل تاريخ المنع. لو لسة بيتبلطج عليك, يبقى مش حيوقف غير بالتبليغ عنه للسلطات.

سجل نسخ من كل اتصالاتك مع البلطجية

 

مفيش بلاغ بالبلطجة ممكن يتعمل من غير دليل. تسجيلك نسخ من اتصالاتك مع البلطجية دليل قوي. ما تلغيش أو تتجاهل الاتصالات دي على أمل أن المشكلة حتحل نفسها. عادة ما بيحصلش. تسجيلك للاتصالات دي بيديك حاجة منتجة تعملها بدل من الاستجابة للبلطجي.

سجل نسخ من كل الايميلات , الرسائل , التغريدات , التعليقات على شبكات التواصل الاجتماعي , رسائل الدردشة , التعليقات على المدونة أو منشورات على منتدى من البلطجي. خد لقطة من الشاشة من الاتصالات لو مفيش طابعة. احفظ كل الاتصالات دي في ملف في جهاز منفصل. انسخهم و اطبعهم عشان يمكن تحتاج تعرضهم على السلطات. كويس أن يبقى عندك نسخ ورقية عشان لو الجهاز باظ أو الملفات اتلغت من غير قصد.

اتصل بالمسئولين

 

دلوقتي لازم تحدد مين المسئول المناسب لمواجهة البلطحي. البلطجة بتتم فين ؟

لو موقع واحد بعينه زي غرفة دردشة, اتصل بصاحب الغرفة أو منسقها. احفظ كل الاتصالات عنه يمكن تحتاج تبلغ الشرطة.
لو البلطجي شخص في المدرسة أو الكلية ,كلم العميد أو الناظر.
لو البلطجي بيتصل بك تليفونيا , اتصل بشركة المحمول الخاصة بك.
لو البلطجي بيتصل بك عبر الايميلات, اتصل بمقدم خدمة الانترنت للبلطجي. لو مش حتقدر تعرفه , اتصل بخدمة بريدك الالكتروني. هم حيقدروا يساعدوك.
لو البلطجي بيتصل بك من فيس بوك , بلغ إدارة الفيس بوك بالمشكلة. سياسة الفيس بوك ما بتتسامحش في أي حالة بلطجة.

هل يجب الاتصال بالشرطة ؟

 

لو البلطجي هددك أو هدد عيلتك أو حيواناتك الأليفة بأذى مادي, بلغ الشرطة فورا. الوقاية خير من العلاج. لو أنت قاصر , قل لأهلك عشان يقدروا يعملوا محضر. اعرض على الشرطة أو أهلك نسخ اتصالاتك مع البلطجي.

لو البلطجي بيهددك بالإغتصاب أو أي اعتداء جنسي. انسخ الرسائل دي و اعرضها على أهلك أو الشرطة فورا. حتى لو ما اتقبضش على البلطجي, زيارة من الشرطة حترعبه. تحرير شكوى للشرطة بتبين للبلطجي ضايقك لدرجة أنك تحمل عبء التعامل مع الشرطة. ده حيدعم موقفك في المستقبل , لو البلطجي رجع لمضايقته تاني.

في النهاية

 

الانتقام من البلطجي الالكتروني اغراء.لا تستلم له. لو استسلمت, ممكن يتم الإبلاغ عنك بأنك بلطجي الكتروني. الأفضل تقول للبلطجي ما يتصلش بك تاني. تقفل أي منفذ للاتصال مع البلطجي. تنسخ كل اتصالاتك مع البلطجي. تعرضها على المسئولين المناسبين. لو البلطجي هددك أو هدد عيلتك أو أصدقائك أو حيواناتك الأليفة بأذى مادي, بلغ الشرطة فورا.

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>