In Arabic, Other Languages

كيف تبقى آمنا على الانترنت

كيف تبقى آمنا على الانترنت

لما بتتصفح الانترنت, ما بتفكرش في الأخطار المحتملة اللي ممكن تواجهها كل يوم. دي مشكلة خطيرة لأنك لو ما تعرفش أي شئ عن الأخطار المحتملة ما تقدرش تستعد لهم بطريقة سليمة. على كل حال, اتباع بعض القواعد العامة حيأمنك مهما كان نوع أخطار الانترنت اللي حتواجها كل يوم. من غير المعلومات دي ممكن تبقى ضحية لكل عمليات النصب و النصابين على الانترنت. بمعرفتك المعلومات, تقدر تعرف بسهولة طرق تبقيك آمن على الانترنت و تبقى حاجة عظيمة لو اتبعتها.

كن مسئولا

دي واحدة من الحاجات اللي ناس كتير فاكرة أنها تقدر تتخلص منها لما يدخلوا على الانترنت. لكن, لو أنت مش مسئول ممكن تطلع معلومات زيادة عن اللازم لناس أخرى أو حتى الناس تعرف أكتر عن مكان سكنك. كونك مسئول حيؤدي لمعلومات محمية أكثر, لكن أيضا ما نوع القوانين الموجودة بمنطقتك لضمان عدم التعدي على أيا منها. بدون تلك الدرجة من المسئولية سيؤدي هذا إلى وجود مشاكل أكثر مما تتخيل لأنك لا تتبع القوانين أو حتى أسوأ تعطي كمية لا بأس بها من المعلومات, مما يؤدي للسماح بالمتعقبين الالكترونيين ليجدوك و يضروك.

تأكد من تحديث البرامج المضادة للفيروسات

عادة بيكون فيه تحديث للبرامج المضادة للفيروسات. لكن, لازم تتأكد أنك بتحدثهم مضبوط طول الوقت. و وقتها حتتأكد أنك بتحصل على الحماية السليمة من أي فيروس محتمل اللي الناس بتضعها كل يوم على الانترنت. لو برامج مكافحة الفيروسات ما اتحدثتش بشكل سليم, ممكن تلقى مشاكل مع الفيروسات المستحدثة, بالاضافة لعمليات النصب. معظم الوقت برامج الفيروسات حتكتشف بطريقة ما أنك داخل على خطر عملية نصب مبنية على المعلومات اللي بتعطيها لموقع بيسأل عنها و لو الموقع ثقة أو لا. لو ما حدثتش البرامج دي بشكل سليم, حتقع في مشكلة المواقع الطالبة لمعلوماتك أو قادرة على ارسال فيروسات للكمبيوتر الخاص بك, و ده ممكن يكلفك بعض الوقت و المال لحماية هويتك.

اجتناب فتح ايميلات من مصادر مجهولة

كم مرة دخلت على ايميلك و لقيت أن عندك فرصة تكسب 500000000$ يودعوا في حسابك اليوم لو أرسلت معلومات لأمير التاج المدغشقري؟ ماشي, واضح أنها عملية نصب لأن الحاجات دي شغالة من أول ما اخترعوا الانترنت. اللي مانتاش مدركه هو أنك بمجرد فتح الايميل من المصدر المجهول ممكن تكون بترحب بنوع من الفيروسات, اللي ممكن يكون ملحق بالايميل في ملف مخفي أو حتى ينزل على الكمبيوتر برنامج يحول الجهاز لحسابه. بعدم فتحك الايميلات من ناس ما تعرفهاش, تقدر تتجنب المشكلة دي نهائيا و ما تقلقش من الفلوس اللي ممكن تخسرها أو الأسوأ الهوية و الكمبيوتر اللي حتكون سلمته للنصابين.

عملية نصب كبيرة معروفة هي النصب على الباحثين عن وظيفة. بعض الايميلات اللي بتوصلك هي اللي بتدعي أنك حتكون مع شركة. لكن, الشركة لازم تعرف كل المعلومات عنك بالايميل عشان الوظيفة. المشكلة في ده هي الشركات اللي ملهاش وجود أو ما عندهاش أماكن خالية زي اللي راسلوك بشأنها. فلازم تحذر و أنت بتدور على وظيفة و تستخدم فقط المصادر الموثوقة و لو عندك أي شك اعمل حسابك و اتصل بالشركة. كل اللي عليك تقوله لهم أنك قلقان من عملية سرق هوية لأن طريقة الاتصال مختلفة و هم حيتفهوا مخاوفك.

ابق كلمات السر خاصة بك

عامة كل المواقع اللي بتزورها حتسألك أنك تكتب كلمة سر. دي خاصية و طريقة رائعة أنك تحمي نفسك. لكن, لما تسجل في المواقع دي حتبقى عايز تستخدم كلمة سر مختلفة لكل موقع, اتأكد أنك بتستخدم كلمة سر صعبة التخمين. لو استخدمت واحدة من أشهر كلمات السر و هي password123, حتكتشف أن معلومات سهل سرقتها و ده حيؤدي لخسارتك الحساب. ده صعب جدا تتعامل معه لو كلمة السر كانت لايميل أو أي حساب تاني مهم.

حاجة تانية لازم تاخد بالك منها و هي أنك ما تطلعش كلمات سرك لأي حد. لما بتطلعها ممكن يدخل على حساباتك, و ساعتها حيكون عندهم فرصة يتحكموا في كل معلوماتك الباقية. لما ما تطلعش المعلومة, مش حتكون قلقان من حصول أشخاص تانية على معلوماتك.

حاجة كمان المفروض تعملها مع كلمات سرك و هي أنك تغيرهم بشكل دوري. لما بتغير كلمات سرك بشكل دوري, مش حتقلق من أن الناس تحصل على معلومات ممكن توصل لهم لكلمة سرك, و كمان مش حتقلق من الناس اللي قاعدة و بتكتب نفس كلمة السر طول الوقت لحد ما توصل لكلمة سرك. بتغييرهم, حيبقى صعب معرفة كلمة سرك و ده حيساعد على الحفاظ على معلوماتك في آمان.

حوائط النار مهمة

الاستمرار في تحديث حوائط النار حاجة رائعة. لما بتكون عندك حائط نار حتسمح بحاجات معينة و حاجات تتمنع. لكن, حتحتاج تتأكد أنك منظم حائط النار الخاص بك بطريقة سليمة و ساعتها تقدر تطمن أنك مش حتسمح لأنواع ملفات معينة داخل جهازك, لكن في نفس الوقت حتكون قادر من منع ملفات معينة من الخروج.

اتأكد لما تضبط اعدادات حائط النار الخاص بك أنك تحتفظ بالاعدادات الأصلية, لكن تخليها أقوى. مثلا, مش عايز حائط النار يسمح بأي معلومات تحتوي على مالياتك تطلع للخارج. فحتكون عايز تتأكد أنك حظرت الملفات دي من الدخول للانترنت, ما عدا مواقع البنوك اللي بتتعامل معها. فحتحتاج تشتغل على جهازك لضمان ضبط الاعدادات دي بشكل سليم و عدم السماح للملفات الغير مرغوب بخروجها للخروج. لكن, حتحتاج تضمن أن حائط النار مضبوط على منع أي ملفات واردة لأنها ممكن تكون ضارة للجهاز.

حد من دخول الغرباء على الكمبيوتر

أنت غالبا ممكن تشارك أفراد الأسرة في الكمبيوتر, و ده مفيهوش حاجة. لكن, اللي ممكن ما تكونش عايزه هو مشاركة جهازك مع كل الناس اللي داخلة خارجة من البيت أو مع باقي الناس في الكافيه. لما تعمل ده, بتسمح لهم يدخلوا على تقريبا أي ملف عندك على الجهاز, و كمان بتخليهم يشوفوا أنت كنت بتعمل ايه. ساعتها سهل الناس دي تتبع المواقع اللي زرتها و تحاول تكتشف معلومات حسابك. لو عملوا كدة يقدروا يغيروا كل كلمات السر و أسوأ من كدة يقدروا يسجلوا حساب جديد تماما لو حصلوا على معلومات حسابك.

افصل بالانترنت

كم مرة سمعت النصيحة دي؟ يمكن ما اتقالتش كتير لأن ناس كتير بتسيب أجهزتها شغالة طول الوقت عشان تضمن تشتغل عليها أول ما تصحى الصبح و ما تنتظرش الجهاز يقوم. لكن, دي حاجة خطيرة جدا لأنها بتسيب جهازك متصل بالانترنت طول الليل حتى لو أنت مش عليه. لما تغلق الجهاز أنت بتقطع الاتصال بالانترنت و ده ببساطة بيمنع القراصنة اللي بيحاولوا يحصلوا على معلوماتك. المشكلة أنك ممكن ما تفتكرش أنها حاجة مهمة, لكن لازم تفتكر, حتى و أنت نائم نصف العالم الآخر مستيقظ. هناك فيه ناس عايزة معلوماتك , هناك و هنا في النصف الخاص بك. فحتحتاج تطمن أنك فصلت جهازك عن الانترنت لمنع القراصنة من أي فرصة يدخلوا على جهازك.

اصنع نقط حفظ و استعادة دورية

حسب عمر جهازك حتعمل للجهاز نقط استعادة, و ممكن تعمل له نقط حفظ على جهازك. لما تخلق النقط دي, حتكون قادر ترجع جهازك للنقطة دي لو حاجة حصلت للجهاز بين نقطتين. صحيح حتخسر جزء من معلوماتك, لكن حتقدر تدخل على كل المعلومات من أول نقطة الحفظ. و ده بيسعف جدا لو فاكر أن جهازك تحت أي نوع من الهجوم. من غير نقط الاستعادة الدورية ممكن تخسر كل معلوماتك بما فيهم أي ملفات مهمة عندك أو حتى البرامج المختلفة اللي كان لك دخول عليها لمدة محددة.

لما بتقوم بعمل نقط الاستعادة اتأكد أنك بتستخدم جهاز منفصل أو فلاشة. لما حتستخدم جهاز منفصل أو فلاشة, حتقدر تسترجع الملفات دي و تبعد عن الكمبيوتر. و ساعتها مش حتقلق من أن الملفات يتنقل لها الفيرس من الكمبيوتر. لو أبقيتهم مع بعض أو الأسوأ أنك وصلت الجهازين ببعض طول الوقت, حتخاطر بالجهاز يتنقل له فيروسات و يتنقل لملفات اللي في نقطة الاستعادة و أكيد أنت مش عايز ده يحصل.

حدث كل اضافات الآمان

ممكن تدخل على جهازك الصبح و ييجي لك ملاحظة أن نظام التشغيل محتاج تحديث جزء مهم من الجهاز. دي حاجة لازم تسمح للجهاز يقوم بها لأن ممكن يكون ده تحديث لنظام الأمن على الجهاز لأن فيه يغرة مكتشفة. بعدم سماحك للجهاز أنه يحدث برمجة الأمن, ممكن يكون عندك مشاكل في امتلاك الحماية اللي الجهاز محتاجها. لكن, ممكن توصل لمشاكل أكتر من قدرة القراصنة على الدخول على جهازك لأنك ما عندكش أحدث نظام أمن على الجهاز.

لما تعرف أخطار الانترنت حاجة حلوة, و الأحلى أنك تعرف بعض النصائح الأساسية عن كيفية حماية نفسك من الأخطار دي. لما تعرف ازاي تحمي نفسك من الأخطار دي, حيكون سهل أنك تقضي وقت رائع و تطمن أن أنت و باقي الأسرة في أمان من أي أذى. بدون المعلومات دي, ممكن تعرض نفسك لمشاكل و وجع دماغ لأن ناس أكتر و أكتر بتستخدم الانترنت للحصول على معلومات, و كمان لسرقة هويات و في بعض الحالات لتتبع الناس. أهم حاجة لازم تتأكد منها أنك تعرف ازاي تتصفح الانترنت بأمان و ازاي تحمي جهازك

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>