In Arabic, Other Languages

عشر خطوات لمنع طفلك من أن يصبح متنمرا

عشر خطوات لمنع طفلك من أن يصبح متنمرا

1: اعرف السبب

أسباب بلطجة طفلك تختلف. يمكن بيحاول يندمج وسط مجموعة بتمارس نفس السلوك. يمكن طفلك بيتبلطج عليه و شايف أن الأفعال دي حتعلي مكانته في المدرسة. يمكن طفلك عنده مشكلة في التعبير عن مشاعره فبيستخدم التعرض بدنيا/لفظيا عشان يواجه احباطه.

لما تفهم سبب سلوك طفلك, تقدر تركز جهودك في مناقشة نقط محددة. تقدر تعرف طفلك أن البلطجة عشان أندمج وسط الناس أو عشان تعلى مكانتي مش أسباب مقبولة. ممكن برضه تناقش البلطجة اللي بيتعرض لها طفلك.

2: اخلق بيئة صحية في البيت

الأطفال بيقلدوا التصرفات فعلا. لو عاشوا في بيت بيسمح بالعنف, يبقى طفلك حيفضل بلطجي و يظهر نفس السلوك. ناقش أي عنف في البيت سواء ارتكب من طفل أو ولي أمر. تقدر برضه تتعامل مع مشاكل أسر تانية, زي النقد الكتير أو الشتيمة و السخرية, التفكك الأسري, أو عدم رقابة من الأسرة اللي بتسمح لطفلك يبتدي في تصرفات سلبية.

3: تأكد أن الإعاقة ليست السبب

بعض الأطفال عندهم إعاقة ممكن تسبب تصرفهم بغرابة. الخلل في السلوك ممكن يتفسر على أنه بلطجة لكن في الحقيقة الطفل مش قادر يتحكم في تصرفاته. لو كشفت على طفلك حيبين لك الخطوات الصحيحة لوقف السلوك ده, سواء طفلك محتاج أدوية أو محتاج برامج سلوكية. كمان المفروض تتكلم مع الطفل الضحية و أولياء أمره عشان يعرفوا الموقف, و الاعتذار عن اللي عمله.

4:كبر احساس الحميمية و التعاطف

أطفال كتير ممكن ما ياخدوش بالهم من احساس الضحية. عرف طفلك أن كل الناس لها مشاعر. ممكن تمثلها قدامه بأدوار عشان طفلك يفهم ايه احساس أن حد يبلطج عليك. ده حيكبر لطفلك احساسه بالحميمية و التعاطف تجاه الناس.

5:كن قدوة لطفلك

أنت قاعد في المطبخ , بتشتم في زميل في الشغل و أنت بتحكي لصاحبك ايه اللي نفسك تعمله فيه. طفلك يسمع ده و يفتكر أنه يقدر يعمل كدة في زمايله اللي مش عاجبينه. الأطفال بيمتصوا السلوك والأفعال اللي الآباء بيعملوها. لو عايز طفلك ما يبقاش بلطجي , لازم تكون قدوة له.

6:طبق عواقب

بعد الكلام مع طفلك, حتحتاج تعرفه أن السلوك السلبي محدش حيتسامح فيه. عرف الطفل أن حيكون فيه عواقب لو عمل التصرفات دي تاني. ما تلجأش أبدا لأي عقاب بدني. العواقب حيكون ليها معنى و هي مش مريحة تماما. خد منه الموبايل.  اقفل التلفزيون و الألعاب الالكترونية. خلي طفلك يقوم بمهام كريهة أو خدمة مجتمعية من غير مكافأة لما يعملها.

7: تكلم مع آخرين عن سلوك طفلك

مش لمجرد أن طفلك بيديك سبب معين ليه بقى بلطجي, أنه يبقى السبب الحقيقي. ما تاخدش أي حاجة يقولها لك بجدية خصوصا لو لبق و يعرف يطلع من أي موقف بالكلام. الأحسن, كلم أصحابه/ا , أو أفراد الأسر التانيين , المدرسين , و الطفل الضحية. اعرف السبب الحقيقي للي بيحصل عشان تعرف تتعامل مع المشاكل دي. برضه فكرة حلوة أنك تستشير ناس تانيين شايفين الأمور بموضوعية لأنهم حينوروا بصيرتك.

8:مارس الأمان الالكتروني

حقيقة أن طفلك مش لازم يبقى في نفس المساحة مع الضحية سيناريو مرعب. البلطجة الالكترونية بتزيد بمعدلات مخيفة. لو طفلك متورط في بلطجة الكترونية, لازم تناقش السلوك فورا. مارس الأمان الالكتروني بمراقبة شبكات التواصل الاجتماعي الخاصة بطفلك و رسائل الموبايل. اللحظة اللي تلاقي فيها سلوك سلبي, اسحب منه الموبايل و الكمبيوتر و اقعد اتكلم معاه.

9:تعاون مع المدرسة

على الرغم من أن أغلب البلطجة بتحصل في المدرسة , المدرسة مش هي العدو أو بتتهاون في مسئولياتها. مسئولي المدرسة عايزين يقدموا بيئة صحية و آمنة لكل الأطفال و هي بتضع قوانين للتعامل مع مشاكل في الالتزام. ما تخليهاش لعبة لوم. الأحسن , اتكلم مع المدرسين , المشرفين و ناظر المدرسة. اعرف ايه اللي ممكن يتعمل مع طفلك عشان تمنعه سلوكه و تقدموا له بيئة تعليم أحسن. المدارس تقدر تطبق برامج منع عشان طفلك يتعلم أن البلطجة غلط و مش مسموح بيها.

10:كافئ السلوك الطيب

ما تضيقش أفقك و أنت مركز جدا في تأديب طفلك و تنسى تكافئ سلوكه الطيب. تقديمك لمردود ايجابي و مكافآت حيخلي طفلك يدرك أن العواقب السيئة بتيجي مع السلوك السئ. و طفلك بيستمتع بالمردود الايجابي و المدح , بلطجتهم حتختفي كفعل مش عايزين يكرروه في حياتهم أبدا.

المداومة على الأفعال الإيجابية تأتي بنتائج

ما تعتبرش طفلك حالة ميئوس منها لو أفعالك ما جابتش نتيجة في وقتها. لازم تكون مداوم بكلامك و بالثواب و العقاب. ممكن ياخد الموضوع وقت و جهد. لكن لازم تشوف النتائج الايجابية المرغوبة عشان البلطجة تنتهي.

طفلك ممكن يتبلطج عليه في أوقات, و ساعات حيكون البلطجي. أيا كان الوضع, دايما اتكلم و اسمع لطفلك و ناقش المشاكل. طفلك يتسحق حياة هادية في بيئة تعليمية صحية. بالإضافة لده, طفلك محتاج يعرف أن زمايله يستحقوا نفس الاحترام و العطف.

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>