In Arabic, Other Languages

تعرف على علامات بلطجة طفلك

تعرف على علامات بلطجة طفلك

ابنك يرجع البيت بهدوم متبهدلة و عيون حوليها أسود و ايديها عليها دم. تفتكر أن فيه مصيبة : ابنك بيتبلطج عليه في المدرسة. و تفضل تدور و تقلب فيه و أنت بتحاول تعرف منه الحقيقة, اللي بيقول أنه مجرد وقع و هو بيلعب كورة مع صحابه. لكن أنت متأكد أنه اتبلطج عليه.

التليفون يرن. مدير المدرسة و عنده أخبار مزعجة. بنتك اتمسكت بتبلطج على زمايلها في الفصل. بنتك , المتفوقة و المدرسين بيشكروا فيها , تطلع في الآخر بلطجية و بتضرب زمايلها.

المفاجأة بتصدمك. مين كان يتوقع أن بنته تبقى بلطجية بسلوكها اللي شايفه ؟ ازاي فاتته العلامات ؟ كنت منتبه مع ابنك, اللي بشكله الضخم و تصرفاته الفظة اتفهم غلط من زمايله و سبب خناقات. لكن الحقيقة أنه مجرد كان في ماتش عنيف شوية اللي سبب المفاصل الدامية و العينين المسودة. بدله تلاقي بنتك , اللي مهذبة و محترمة قدام الكبار, هي اللي بلطجية.

تعرف على العلامات

أي طفل عنده الاستعداد أنه يكون بلطجي في مواقف معينة. البلطجة مش ملتزمة بسن , مظهر , عرق , مستوى اجتماعي. الأب عليه أنه يفهم ايه اللي ممكن يسبب سلوك زي ده و تعالج الموقف. لو فشلت أنك تعالج المشكلة , الطفل حيكبر و هو فاكر أن سلوكيات عدوانية زي دي مقبولة. حتكون ربيت شخص بيبلطج على الكبار و الصغيرين.

فيه صفات معينة تدور عليها في طفلك عشان تعرف اذا كان بلطجي, طبقا لـPacer center  . لو لاحظت أي صفة من دول يبقى لازم تقعد مع طفلك و تتكلم معاه.

العدوانية

العدوانية علامة أكيدة على حاجة مزعجة لطفلك. ممكن ما يكونوش وصلوا لمرحلة أنهم يبقوا بلطجية لسة , لكن ممكن يكونوا بيطلعوا غضبهم ده بطرق تانية زي تكسير الأشياء أو ايذاء الحيوانات.  العدوانية مش لازم تظهر في صورة بدنية. الطفل ممكن يبقى سريع أنه يصرخ و يزعق و يعمل أفعال معينة عشان ” ياخد حقه ” من الناس. طفلك برضه ممكن يكون عدواني لفظيا , بأنهم يستخدموا كلامهم في كسر الناس.

السيطرة

البلطجية بيحبوا يحسوا أنهم مسيطرين على كل حاجة. كأنه سباق على النفوذ, بيحبوا يحطوا ايدهم على كل حاجة, يقولوا للناس يعملوا ايه, و يعاقبوا اللي ما يسمعش الكلام. الطفل حيتلاعب و يسيطر على الموقف لحد ما يتحكم فيه.

أفعال بدون سبب

حتى لما يعرف الطفل أنه غلطان, حيلوم الناس التانية بسرعة على المشكلة. هم غير مستعدين يقبلوا تصرفاتهم و مش حيتحملوا مسئولية لما يعملوا حاجة غلط. الطفل حيفضل يدور على كبش فدا عشان يبرر موقفه.

محبط و قلق

بعض الأطفال ممكن يبقوا محبطين و قلقانين على مواقف فاكرينها خارج سيطرتهم. لما يبقوا عندهم الشعور ده , الطفل ما بيعرفش يتعامل مع مشاعره دي بطريقة ايجابية. بدل ده ممكن الطفل يطلع احباطه و قلقه على اللي حواليه بأنه يبقى عدواني بدنيا و لفظيا.

بالإضافة لكل الصفات المذكورة

طفلك ممكن يستفز و يتحكم في الأطفال التانيين, يبين تأثر و تعاطف قليل لمشاعر الناس التانية , غير ناضج اجتماعيا و شخصيا, أو ببساطة بيحاول يندمج في مجموعة شبيهة بتعمل نفس السلوك.

كيف يتنمر الأطفال على الآخرين

ملاحظة علامات و طباع الطفل ممكن يكون صعب. ما بين الشغل , البيت و تقضية المشاوير , أحيانا الآباء ما بيعرفوش سلوك أطفالهم. لو مش ملاحظ أي طبع من الطباع السابقة ( و فيه أطفال ممثلين كبار لما يبقوا قدام ناس كبيرة ), يبقى تقدر تاخد بالك ازاي طفلك بيبلطج على الأطفال التانيين.

التعرض البدني

بتاخد طفلك الجنينة و تلاحظ أن الأطفال التانية بتبعد عنه. و لما يقرب من طفل تاني, يخبطه كوع في ضهره أو يمد رجله يشنكله. التعرض البدني بيتصاعد من أن طفلك يتحكم في جزء من الجنينة, لمنع الأطفال التانيين من اللعب. ممكن كمان يزق الناس اللي حواليه.

التعرض اللفظي

الأطفال مش لازم يكونوا على مسافة قريبة من الناس للبلطجة عليهم. ممكن ينشروا اشاعات مؤذية و نميمة على أطفال تانيين. في نفس الوقت اللي بنقول فيه لأطفالنا نشيد ” عصيان و طوب ” لكن الحقيقة أن الأسماء و الكلمات بتأذي الناس بطرق مختلفة. التعرض اللفظي بيتضمن الهجوم على شكل الطفل التاني , صداقته , درجاته , عيلته و حتى حالته الاجتماعية أو مستوى دخله. طفلك ممكن يتلاعب بمواقف عشان يحرج أطفال تانيين.

بلطجة الكترونية

التكنولوجيا الحديثة قدمت طرق كتيرة لممارسة البلطجة. التليفونات الذكية بتستخدم عشان تلقط صورة محرجة و تنشرها على موبايلات تانية. الأطفال بيستخدموا الانترنت و شبكات التواصل الاجتماعي عشان يهددوا أطفال تانيين بدنيا, نشر اشاعات مؤذية و عرض صور محرجة.

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>