In Arabic, Other Languages

الأمان على الانترنت بين الفيس بوك و الحياة الحقيقية

الأمان على الانترنت بين الفيس بوك و الحياة الحقيقية

لو اتكلمنا على الأمان على الانترنت ، تخيلي بتفتحي صفحة الفيس بوك و لقيتي أن مدحت دلوقتي أنهى علاقة كان فيها ,  لازم ساعتها تحسي بصدة و تتسائلي هو كان حيقولك امتى على أساس أنك حبيبته و كدة يعني ؟!

أيوة بتحصل , فيه ناس بتسيب بعض من غير ما تقول و تعملها على الفيس ، تخيل بقى أنت اللي تم الانفصال عنه و صحابه/ا المشتركين نازلين لايك على حالته الجديدة دي . ممكن الموضوع شكله خيالي و يضحك , بس المشكلة أن ده اللي بيحصل .

الحقيقة أن الناس لازم تبقى واعية بالأضرار اللي ممكن تسببها لشخص بحاجة تافهة زي تغيير حالة العلاقة على الفيس بوك

ده غير التعليقات ” اللذيذة ” اللي حتيجي على الانفصال ، أو صحاب بيعملوا لايك أنكم سبتوا بعض ، و ده يخلي اللي تم الانفصال عنه  يشك في حقيقة أصدقاؤه أصلا .

” الانفصال شئ كبير في حياة أي شخص ” ده اللي بتقوله سوزان ليبكينز ، دكتورة نفسية من لونج آيلند بنيويورك , متخصصة مع المراهقين. ” الموضوع صعب على أي شخص و شئ بيطاردنا طول حياتنا “

” اللي الفيس بوك عمله أنه خلق أبعاد تانية للعلاقة .. ظهرت طرق جميلة تساعد أنك تبقى مساند , أنك تقابل ناس و أنك تعرف أكتر عن شريكك في العلاقة و عن ماضيه. “

و بتابع سوزان كلامها ,” لكن برضه في تأثيرات سلبية زي مثلا لما تلاقي أن شريكك بدأ في علاقة مع شخص تاني أو يتم استغلال معلومات ضده. “

الشهر اللي فات, لجنة بوسطن للصحة العامة اعتبرت الموضوع خطير لدرجة أنها تدعي 200 مراهق من كل أنحاء الولاية لمؤتمر “قمة الانفصال”.

” احنا عايزين شبابنا يبقى فيه علاقات صحية و جزء من العلاقات هو الانفصال و ده جزء متجاهل لأ البالغين ما عندهمش المهارة الكافية , مفيش حد بيتكلم عن الموضوع ” على حسب كلام كاسي كوركوران , رئيسة حركة ابدأ بقوة.

كوركوران اللي اشتغلت كمدرسة مع رجال مستغلين قالت أن تعلم مهارات الانفصال بيؤدي لعلاقات صحية على أرض الواقع و على الانترنت.

تتابع كوركوران كلامها “بتساعد الأطفال في التخطيط المسبق لكيفية تقديم العلاقة على الانترنت . ايه اللي حيتفهم لو رفعت صورتي و عملت تاج لشريكي ؟ لو انفصلنا أخليه عندي ولا ألغيه ؟ الشباب ما بيفرقوش زي الكبار بين الحياة الواقعية و الافتراضية …من الحاجات الجميلة في عقل المراهق هو النزوات. و أدوات الشبكات الاجتماعية بتدفعهم لده.”

أوليقيا كووك , تلميذة في الاعدادي في كانبري بنيويورك بتقول ” خناقات كتير بتبتدي على الفيس بوك و بتنتهي نهايات مؤسفة ، لو شلت أصحاب كتير ده يعتبر بلطجة.”

المواضيع دي بتظهر تساؤلات عن الفرق بين الحياة الواقعية و الافتراضية. الانفصال و خسارة الأصدقاء صعبة جدا في الحياة الواقعية من غير عامل ” شبكات التواصل الاجتماعي ” السحري.

Comment Here

Leave a Reply

Send Us Message

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>