إحدى عشر نصيحة للأمان من البلطجة الإلكترونية

Share on FacebookShare on Google+Tweet about this on TwitterPin on PinterestShare on LinkedInShare on StumbleUponShare on RedditBuffer this pageEmail this to someone

هل بتوصلك رسائل كراهية أو بيتم التلاعب بصورك على الانترنت لوضعك في مواقف محرجة و سيئة ؟ يبقى أنت بتواجه البلطجة الالكترونية  و احنا هنا حنساعدك ازاي تتعامل معاها صح عن طريق 10 نصائح :

1-      علم نفسك

دور بنفسك و اعرف يعني ايه بلطجة الكترونية ، ليه و ازاي بتحصل ؟ ايه الموقف القانوني منها في بلدك ؟ اسأل أصحابك و اعرف اذا كانوا بيواجهه حاجة شبيهة

2-      احمي معلوماتك على الانترنت

ما تنشرش كلمات السر الخاصة بك أو معلومات سرية بحساباتك على الانترنت مع أصدقائك أو زملائك. لو تعرف أن المعلومات دي يعرفها شخص آخر غيرها فورا !

3-      ما تفتحش رسائل من مجهولين

حتى على الفيس بوك،  زود من خصوصية المراسلة عشان مفيش غريب يراسلك. ما تفتحش رسائل و ايميلات مجهولة. الغي الرسائل المشبوهة بدون قراءتها يمكن فيها فيرس يظهر كل اللي على جهازك للناس. ما تفتحش لينكات من شخص غير معروف مهما كانت جذابة.

4-      اخرج دائما

لو بتستخدم جهاز مش خاص بك فقط أو بتستخدم تليفون صاحبك أو التابلت الخاص به، اخرج قبل ما تسيب الجهاز. ما تستخدمش خاصية ” ابقني مسجلا ” لأنك ممكن تنسى تخرج و ده حيعرض معلومات حسابك للخطر.

5-      ما تاخدش صور تقدر تضرك

حاجة لذيذة طبعا لما تاخد صورة مرحة في لحظة انطلاق لكن تصور لو الصور دي وقعت في يد واحد نشرهم للعالم يتفرج؟ افرض ضاع منك التليفون أو الكاميرا، مخاطرة ملهاش لزوم. و أنت بتاخد صور ما تخليش حاجة للكبار فقط.

6-      استنى لحظة قبل ما تنشر

ما تقعدش تنشر حاجات عنك على الانترنت ممكن حد يستخدمها ضدك. بلاش تفبرك قصص عنك عشان اللايكات. الحقيقة أن الناس بتحكم عليك من اللي بتكتبه ده، ببساطة لأنهم ما يعرفوش حاجة عنك. الشركات و الكليات الكبيرة بتعمل سيرش على الانترنت للي بيتقدم لها , تفتكر الصورة العبيطة اللي أنت حاطتها دي حتديهم فكرة حلوة؟

7-      علم أصحابك و أقف جنبهم

لو ما كنتش ضحية بلطجة الكترونية لكن خايف على صديق بيعمل حاجة ممكن تأثر على حياته أو سمعته على الانترنت سلبا. اتكلم معاه، و بين له فيديوهات و قصص عن خطورة البلطجة الالكترونية.

8. ارفع مستوى الوعي

ابدأ حركة أو حملة, أو انشيء نادي، أو استضيف حدث يوعي الناس بالبلطجة الالكترونية. لو أنت لوحدك فاهم مش حتقف الظاهرة, لازم غيرك يفهم.

9-      اضبط اعدادات الخصوصية

ضيق الدخول على حسابك للأصدقاء اللي تعرفهم. أغلب شبكات التواصل الاجتماعي زي فيس بوك و جوجل + بتتيح لك امكانية نشر معلومات معينة مع الأصدقاء فقط، لكن الاعدادات دي لازم تتعدل لأعلى حماية.

10-      ابحث عن نفسك في جوجل

ابحث عن اسمك باستمرار في محركات البحث الكبيرة ( جوجل ، بينج ، ياهو ). لو أي معلومات شخصية أو صور ظهرت ممكن بلطجي الكتروني يستخدمها ضدك، خد اجراءات الغاءها قبل ما تسبب مشكلة.

11-   ما تبلطجش على الأخرين

عامل الآخرين كما تحب أن تعامل. لو معاملتك وحشة مع الناس على الانترنت ومش متقبل نقد، بتعطي انطباع أن السلوك ده مقبول.

Related Post

Comment Here

Leave a Reply

Your email address will not be published. Required fields are marked *